Ակումբի լիիրավ անդամ դառնալու համար անհրաժեշտ է կես տարվա ընթացքում անցնել 6 դասընթաց։ Նրանցից յուրաքանչյուրն ունի գործնական կամ ազգային ուղղվածություն։

Արդեն մեկնարկված դասընթացներն են՝

• Սելֆ-մենեջմենթ
• ֆոլկ (ժողովրդական երգ ու պար)
• Գոյատևման հմտություններ

Առջևում են նաև աշխարհաքաղաքականության և պատմության դասընթացները։

Մեր կողմից ամբողջությամբ մշակվել են մարզահայրենասիրական Խաղեր՝ ռազմական մարտավարության, սթրայքբոլի տարրերով և դրոնների օգտագործմամբ։

Խաղերին կմասնակցեն 16-19 տարեկան 120 արցախցի պատանիներ: Նրանք կսովորեն մարտավարական մտածողություն, առաջնորդություն և թիմային աշխատանք:

Հունիսին սկսվեց խաղերի առաջին փուլը՝ ռեքրութինգը։ Այնուհետև մասնակիցներին սպասում են ուսումնամարզական հավաքները և բուն մրցաշարը։

Մենք ունենք կամավորական խումբ, որն ակտիվորեն մասնակցում է Ալյանսի և տարածաշրջանի սոցիալական կյանքին։ Կամավորները մասնակցում են Ալյանսի միջոցառումներին՝ փառատոների, խնդրագրերի համար ստորագրահավաքների, բնակչությանը օգնություն կազմակերպելու և շատ այլ միջոցառումների։

Մեր նախագծերից մեկը YouTube ալիքն է, որտեղ մենք ներկայացնում ենք մեր ակտիվիստների և մեդիա խմբի հեղինակային աշխատանքները: Մեր թողարկած աշխատանքների շարքում կարող եք գտնել պատմական, մշակութային և լուսավորչական հոլովակներ, կարճամետրաժ ֆիլմեր և շատ ավելին: Բաժանորդագրվեք՝ ոչինչ բաց չթողնելու համար: